Wir Rudolf von Gots gnaden herzog ze Osterreich ze Steyr und ze Kernden tun kund, daz wir unsern getrewn den purgern von Steyr die gnad getan haben und tun auch, daz si aus den vorsten die gen Steyr geho^erent jerlich nemen enspovn und strew zu der pruk daselbs ze Steyr als offt des not ist; davon gebieten wir ernstlich allen vnsern purgrafen phlegern und vorstern ze Steyr, die itzunt sind oder hernach kunftig werent, daz si die vorgenannten purger ewichlich bei derselben gnad beleiben lazzen und in chain irrung daran tu^en, mit urkund dises briefs. Geben ze Enns an sand Lorenzentag nach Christi gepurt dreizehn hundert jar darnach in dem sechzigisten jar.

Source Fulltext: OÖUB 7 (Wien 1876), S. 707, Nr. 704