Universis sancte matris ecclesic filiis ad quos presentes littere pervenerint, Nos miseratione diuina Augustinus Salubriensis Bertoldus Cysopolensis Johannes Armirocensis Robertus Donacensis Philippus Lauandensis Petrus Suaciensis Gerhardus Samariensis Martinus Endanensis Raphael Archadiensis Lazarus Bovtrotinensis Franciscus Lapsacensis Petrus Valonensis episcopi salutem in domino sempiternam. Splendor paterni luminis, qui sua mundum illuminat ineffabili claritate pia vota fidelium de clementia ejus majestate sperantium, tunc enim favore benigno prosequitur cum deuota ipsorum humilitas sanctorum meritis et precibus adjuvatur. Cupientes igitur ut ecclesia parochialis sancti Egidii et capella sancte Katharina in Greyn congruis honoribus frequententur et a Christi fidelibus jugiter venerentur, omnibus vere penitentibus contritis et confessis, qui in singulis beate Marie virginis festivitatibus ac omnibus aliis infra scriptis videlicet nativitatis domini circumcisionis epiphanie parasceues pasce ascensionis pentecostes trinitatis et corporis Christi inventionis et exaltationis sancte crucis sancti Michaelis in festo omnium sanctorum et commemoratione animarum defunctarum dedicationibus sanctorum Petri et Pauli apostolorum et omnium aliorum apostolorum et evangelistarum Sanctorum Stephani Georgii Laurentii Martini Nicolai Erasmi confessorum, ac sanctarum Marie Magdalene Marthe Anne Kathcrine Dorothee Cecilie causa devotionis orationis aut peregrinationis accesserint vel qui missis vesperis predicationibus aut aliis divinis officiis ibidem interfuernit aut qui corpus Christi seu oleum sacrum ad infirmos cum portantur, secuti fuerint vel qui in serotina pulsatione campane ter ave Maria dixerint vel qui ad fabricam luminaria ornamenta libros calices aurum vel argentum donaverint legaverint donari vel legari procuraverint aut qui pro salubri statu domini episcopi presentium confirmatoris et pro domino Johanne presbitero dicto Egendorfer harum impetratore et pro animabus parentum et amicorum suorum pie Deum oraverint, quotienscunque quandocunque vel ubicunque premissa vel aliqua premissorum devote fecerint, de omnipotentis Dei misericordia et beatorum Petri et Pauli apostolorum ejus auctoritate confisi singuli nostrum quadraginta dies de injunctis eis penitentiis misericorditer in domino relaxamus, dummodo dyocesani voluntas ad id accesserit et consensus. In quorum omnium testimonium sigilla nostra presentibus sunt appensa. Datum Avinione die decima quinta (XV.) mensis junii anno domini millesimo trecentesimo sexagesimo primo — (M°. ccc°. lxI°.) — pontificatus domini Innocentii pape sexti anno nono (IX°).

Source Fulltext: OÖUB 8 (Wien 1883), S. 24f., Nr. 27