ICH Elspet von Huntezzinge und ich Ott ier su^en und ich Chunegunt sein hawsfrawe vergehen, daz wier ze chauffen haben gegeben dem erbern herren herrn Stepharn zten zeiten techant und pharrer datz Gallneunchirichen und den cechlaeuten und den pharrlewten daselber ze unser vroven messe den wys dew gelegen ist in dem pu^erchfrid datz Gallneunchirichen zenachst nyden an des Tuschels wis dew auch rechtz inwertaygen ist, umb ein gelt des wier gantz und gar gericht und gewert sein. Waer aver daz yemant herfu^er cho^em der pezzaer erb darzue wolt sein, der schol in geben ze unser vrown messe zwaeintzk phunt phenning alter wienner munzze an allen chrieg und an all widerred. Daz in di red von uns also stet und unverchert beleybe, daruber so geben wier in den prief besigelten mit des erbern ritter herrn Andren von Haunsperch zten zeiten pu^erkgraf ze Riedekk anhangunden insigel, der der sache damit getzewg ist iem an schaden, darunder wier uns verpinden mit unsern trewn allez daz stet ze phalten daz der prief sagt, wand wier nicht aygen insigel gehabt haben. Der prief ist geben da von Christi gepu^erd ergangen waren drewtzehen hundert jar darnach in dem zway und sechtzkistem jar an sangd Urbans tag.

Source Fulltext: OÖUB 8 (Wien 1883), S. 79, Nr. 78