ICH Leb der Stettner und all mein erben wier vergehen, daz wier ze chauffen geben haben unserm genedigen herren hern Hansen von Chappellen und all seinen erben ein wiz gelegen ob Reychenstain pey der ayst zden ho^efen zuna^echst dem pharrhof u^emb ettwevil geltes des wier gar und gentzlich gericht und geberet sein zu^e rechten tagen und an schaden. Wir sein auch der egenanten wiz ier recht gebern nach des landes recht in O^esterreich ob der Ens. Wier schu^ellen auch ich obgenanter Leb der Stettner und all mein erben dhain zu^espru^ech recht warttung noch vodrung gen der egenanten wiz nimmermer haben noch gebinn umb wenig noch umb vil. Des zu^e u^erchu^end geben wier in den brief wesigelt mit mein egenanten Leben des Stettner anhangunden insigel, und zu^e einer czeugnu^ess mit des erbern chnechtes Jo^ergen des Tanpechen zden zeiten pu^ergrafen dacz Reychenstain anhangundem insigel im an schaden. Der brief ist geben an phincztag nach sand Andree tag nach Christi gepu^erd drewczehenhundert jar darnach im czway und sechczigisten jar.

Source Fulltext: OÖUB 8 (Wien 1883), S. 109, Nr. 104