Wir Ruedolf von Gotes genaden herczog ze Ossterreich ze Steir ze Kernden graffe ze Tyrol enbieten unssern lieben getrewn allen herren rittern und chnechten allen lantrichtern richtern und andern amptlawten, allen lantlawten und umbsa^eczen edelen und unedlenn unsser gnad und alles gut, wist daz wir unssern purigern von Enns enpholichen haben, daz si rinchmawr an ir stat und di stat und turn pessern und ander paw tun der si notdurfftig sind, enphelichen wir ew und wellen gar ernstleich, wa si zwischen Enns und Steir chalichstain darczu vindent und hebent oder chlawbent, daz ir si di nement (sic) und fueren lasset an alle irrung, daz daz egenant ir baw nicht gesawmpt werde, wer si daruber irret der tat ganczleich wider uns. Geben ze Enns an sand Chlaren tag (M. ccc. lxiiii) millesimo trecentesimo sexagesimo quarto.

Source Fulltext: OÖUB 8 (Wien 1883), S. 186, Nr. 183