ICH Hanns der Premzzer und ich Phylipp und Wolfkanch dl Premzzer sein prueder verjehen fu^er uns und fu^er all unser erben, daz wier ze chauffen haben geben dem edeln unserm genedigen herren hern Eberhart von Waltse zden zeiten houbtman ob der Ens und allen seinen erben die gueter di hernach geschriben stent; zdem ersten den Purchperch und di mull darunder genant in der Chlaus und ain guet dapei genant an dem Gern und ain guet an dem Vokchenperch und ain guet an dem Zanperg ain guet auf der Gaisso^ed und ain guet pei Freudenstain genant in dem Reut daz er in sein paw daselbs ze Freudenstam gelegt hat also mit auzgenomen warten, swaz Hanns Mu^erlein zden zeiten lantrichter ob der Ens umb denselben chauff und gueter sprichet nach seiner gewissen und trewen swaz wier umb di obgeschriben gueter nemen schu^ellen beraiter wienner phenning, daz schu^ell wir stet haben und ouch volfuern an allez verziehen. Wer aber daz wir dez chauffs auzgiengen und nicht stet hieten, so sein wier dem vorgenanten Hansen Mürlein lantrichter ob der Ens vervallen hundert phunt phenning alter wienner mu^enzz, darumb er uns wol gevodern mag ze laisten gen Lintz in di stat in ein erber offen gasthaws oder ain erbern chnecht mit drein phersten an unser stat und da laisten als lang, untzen daz er der obgeschriben hundert phunt phenning gancz und gar bericht und gewert wirt. Wier vergehen ouch, daz wir hincz dem vorgenanten Hansen Mürlein lantrichter oh der Ens und hincz sein erhen umb den spruch den er zwischen uns und unserm vorgenanten hern Eberharten von Waltse von dez chauffes wegen der obgeschriben gu^eeter (getan hat?) dhain ansprach fürbaz nimmer mer haben noch gewinnen schullen. Darüber zu einem urchund der warhait so geben wir vorgenant ich Hanns Pkylipp und Wolfkanch dl Premzzer in den brief versigelten mit unsern anhangunden insigeln, der geben ist nach Christes gepurd über dreuzehen hundert jar und darnach in dem vier und sechtzkistem jar dez freitags vor sand Merteins tag.

Source Fulltext: OÖUB 8 (Wien 1883), S. 196f., Nr. 192