Wir graf Wilhalm von Schawnnberg bekennen offenlich mit dem brief und tun kund, das wir uns verlubt und verpunden haben mit unser trew an aydes statt und verpinden uns auch mit dem brief, das wir mit unsernn pruedern graf Ulrichen und graf Hainreichen von Schawnberg nichts zu schaffenn sullen haben in kainerlay wegen, und sicher auch sew und alle die irn und ir helffer und alle ir hab fu^er uns und di unsern und fu^er unser hellffer wie die genant sind, und we wir gen einander ze sprechen haben das sullen wir tu^en mit mynn oder mit dem rechten, und sullen wir sunst mit einander nichts ze schaffen haben in dhain wegen, das geloben wir stett zw halten mit unsern trewn an aydes statt alles das stett zw halten was vor geschriben stett an dem brief an alles geva^er und an alle arglist. Mit urkund des briefs den wir in daru^eber geben versigelten mit unserm insigl und mit der erbern ritter insigl Jacobs des Strachner herrn Andre des Grueber herrn Jorigen des Eytzinger und Hansen des Kirichperiger. Der brief ist geben ze Schawnberg an unser frawntag in der vassten, do man zallt nach kristi gepu^erd drewzechenhundertt jar darnach in dem funf und sechtzigistenn jarenn.

Source Fulltext: OÖUB 8 (Wien 1883), S. 219, Nr. 215