Wir Albrecht von Gottes genaden hertzog zw Osterreich ze Steir ze Kernden und ze Krain graf zw Tirol etc. bechennen fu^er unsselber und fu^er unsern lieben bruedern hertzog Leupolten, als sich der edl unser lieber ohaim graf Hainrich von Schawnberg und unser liebn getrewen Eberhartt von Wallse unser hawpman ob der Enns Letolt von Stadegk unser landtmarschallich in Osterreich Hainreich von Hakenberch Albrecht von Puchaim obrister drugsass in Osterreich Yban von Pernstain Jans der Tu^ers von Rauhenegg Eberhartt von Kappellen Fridreich von Wallse von Enns Reiynhartt der Wachinger unser kamermaister und Jans von Tyerna unser hofmaister in Osterreich und mu^enssmaister ze Wienn gen dem erwirdigen herrn Paulen bischolven zw Freysing von unsern wegen verpunden und verlaubt habent mit unsern trewn angevar, das sy im die phantschafft die weilendt unser lieber brueder hertzog Ruedolff saliger auf seins gotzhaws zw Freysing gueter getan hatt unser getrewn Offen von Zelking Otten von Zintzendorff Kristan seinen sun Jansen und Joachenn den Knewsser und allen irn erben als ir brief weisennt die sy von demselben unserm lieben brueder hertzog Ruedolffen daru^eber habent, zwischen hinen und unser frawn tag ze der liechtmess der nu schirist ku^enbt in dem (Vj) sechs und (lx) sechtzigisten jar gentzlich ausrichten ledig und los in antwurtten und in geben wellent an alles verziechen ungeverlich als der brief sagt den sy im darumb habent gegeben. Mitt urkund des briefs. Geben zw Wienn an suntag nach sand Gallen tag nach Kristi gepu^erd drewzechenhundertt jar darnach in dem fu^enf und sechtzigisten jar.

Source Fulltext: OÖUB 8 (Wien 1883), S. 247f., Nr. 246