Ich Hainreich der Chaisser von Rinthaim und mein hausfraw^e Katrey und all unser eriben wy^e dew genant sint wi^er verjehen, daz wi^er mit vogtz hant und mit aller staet versatzt haben unser gu^ot zu^e Rinthaim oben im do^erff gelegen in O^elssdorfer pfarr, daz rechtz aygen von dem edeln höchgeporen fürsten hertzog Albrecht von Osterreich und geho^ert in dy vogtay zu^e Wels, Chunratten dem Mellsunger und seiner hausfrau^on Margreten und allen im eriben wy dew genant sint, auz unser nutz und gewer in dy ir fu^er ain gelt dez wi^er gar und gantz von in verricht und gewert sein also mit der beschayden, daz daz selb gu^et von uns und von unsern eriben u^engelost sein, ez wer dan ob yemant hernach chaem der dez gu^etz pezzer erib wolt sein der schol dem obgenantten Chu^enratten oder seiner hausfrau^en oder sein eriben geben zway und dreyzich phu^ent phening alter winner mu^enzze damit daz gu^et ledig und loss scholl sein. Ich obgenanter Hainreich und all main eriben wir sein dez gu^etz ir recht gewern worin dez no^et und durift geschiecht also der vogtay recht ist zu^e Wels. Waz in daran abging daz schullen sew haben auf aller unser habe dy wir haben versu^echt oder unversu^echt. Ez schol auch der vogt oder wer vogt nach i^em wi^ert daz gu^et scherm und frein also der vogtay recht ist zu^e Wels. Daz in dy red staet und unverchert beleib daruber zu^e einem wa^ern u^erchund geben wir in den offen prief versygelten mit dez erbern manz anhangunden insygel Gotfridez dez Aboldinger im an schaden der zten zeitten unser gewaltiger vogt zu^e Wels gewessen ist und mit dez hant der satzz geschehen ist. Der prief ist geben nach Christes gepu^erd uber drewzehen hundert jar darnach in dem ffu^enff und sechtzkisten jar an sand Luzzein tag.

Source Fulltext: OÖUB 8 (Wien 1883), S. 253f., Nr. 253