Wir Albrecht von Gotes gnaden hertzog ze Osterreich ze Steyr ze Kernden nnd ze Krayn grave ze Tyrol etc. embieten unsern getrewn lieben allen unsern lanntherrn und lantrichtern allen stetten und merkten den diser gegenwurtige brief gezaigt wirdt unser gnad und alles gu^et. Wann wir wellen daz unser getrewen die purger von Steyr alle ire recht fu^er sich habent die si von alter habent herbracht und darumb si brief und hantfest habent, davon gebieten wir ew und manen euch ernstlich, daz ir si pey denselben im rechten beleiben lazzet ane irrung und hindernuzze, mit urkunt ditz briefs, geben ze Wienn am samztag vor dem suntag als man singet Reminiscere in der vasten nach Christi geburd dreizehenhundert jar und darnach in dem sechsundsechzigisten jare.

Source Fulltext: OÖUB 8 (Wien 1883), S. 266f., Nr. 269