Ich Nikla der Gwarleich und ich Angnes sein hausfraw . . . verjehen . . . , daz wir . . . ze chauffen haben geben unsern hof ze Aichenaw gelegen in Chirichperger pharr, da wir selb aufgesezzen sein und der unser recht lehen ist von dem erbirdigen gotzhaus ze Chremsmunster, unserm lieben sun Haymlein dem Gwaerleich und seiner hausfrawn Elzpeten . . . umb ein gelt dez wir gar und gantz von in gericht und gewert sein . . . Und daz in di red also staet und unverchert beleib daruber zu ahm warn u^erchund gib ich in vorgenanter Nikla der Gwaerleich den offen prief versigelt mit meim anhangunden insigel und mit dez erbern ritters hern Fridreichs dez Ratens anhangunden insigel und mit dez erbern mans Wernhartz dez Gaetringer anhangunden insigel und unter unsers lieben frewnt Ulreichs dez Aytterbekchen purger ze Wels anhangunden insigel . . . Dar under die insigel verpint wir uns wir Nikla dez Gwaerleichs chinder als daz staet ze behalten daz vor verschriben stet mit unsern trewn wann wir zder zeit aygner insigel nicht gehabt haben. Der prief ist geben do man zalt von Christi gepu^erd drewtzehen hundert jar darnach in dem sechs und sechtzkisten jar dez samstags nach dem heyling ostertag.

Source Fulltext: OÖUB 8 (Wien 1883), S. 273, Nr. 276