Wir Albrecht und Leupolt gebru^eder von Gots gnaden hertzogen ze O^esterreich ze Steyr ze Ka^ernden nnd ze Chrayn grafen ze Tyrol etc. tu^on chunt, umb die wein und kost die unser lieber o^eheim graf Ulrich von Schownberg jetzunt hie ze Wyenn von unsers geschefts wegen ze speisung in unser vest Scherding die sein und seins pru^oders unsers lieben o^eheims graf Hainrich sacz von uns ist gechoufft hat auf solich fu^ersichtichait, ob wir mit den herczogen von Payrn unbericht beliben, und nach dem frid den wir jetzt mit in haben chriegende mit in wurden, daz denne die vorgenant unser vest mit solicher speisung wol beru^estet were daz wir denselben unsern o^eheimen von Schownberg verhaizzen haben und verhaizzen mit disem brief, ob dieselb sache zwischen uns und den von Payrn bericht oder lenger gefridet wurde und wir der egenanten speisung nicht bedo^erften und ouch dieselben unser o^eheim der egenanten chost aller nicht bedo^erften oder sein nicht nutzlich abchomen mo^echten, daz wir in dannoch widercheren und ablegen sullen nach erchantnu^ezze und rate unsers rates, swas si des schaden nement ane geverd. Get aber der egenant chrieg fu^er sich und wir derselben chos bedu^erften, die sullen wir in nach gelegenhait der sache aber gelten ane alles geverd als sich des unser rat denne erchennet. Mit urchund dicz brief, geben ze Wyenn an sant Merteins tag nach Christes gepurt dreuczehen hundert jar darnach in dem sechs und sechczigisten jare.||
D. concl. marscalci. provincialis presente et magistri curie de Ryed.

Source Fulltext: OÖUB 8 (Wien 1883), S. 297, Nr. 302