Ich Ulreich der Chremstorffer und mein hausfraw wir vergehen offenleichen . . , daz wir . . . recht und redleich ze chauffen han gewen Chunrad dem Saligen purger ze Hall seiner hausfraw und allen iren erben diu si habent oder noch gewinnent den zehent auf der Rabenhub in Chemnater pfarr gelegen und lehen ist von dem wirdigen gotzhaus ze Chremsmunster mit allen den ern rechten und nutzen und darzu gehorent mit recht lehen herren hant und mit aller sta^et, umb ein gelt des wir von in gantz und gar verricht und gewert sein . . . also chauffes recht ist in dem lant ob der Ens und auch als diu hofmaricht recht hat . . . Daz in diu red und diu wandlung also stat und untzebrochen weleib von mir vorgenanten UIreich dem Chremstorffer, gib ich in den offen prief versigelt mit meinem anhangundem insigel, und ze einr pessern sicherhait und zeugnuzz mit des erbaren mans Hadmars des Harthaimer ze Ebersperch anhangunden insigel. Der prief ist gewen do man zalt von Christi gepurt dreutzehen hundert jar darnach in dem syben und sechtzgisten jar des samtztags vor sand Andres tag.

Source Fulltext: OÖUB 8 (Wien 1883), S. 351, Nr. 360