Wir Albrecht und Leuppolt bru^eder von Gots gnaden herczogen ze O^esterreich ze Steyr ze Kernden und ze Kram grafen ze Tyrol etc. bechennen und tu^on kund offenlich mit disem brif, daz wir unserm getrewn lieben Eberharten von Walsse von Lincz gelten sullen und schuldig sein zwai tausent phunt wienner phenning von des dinsts wegen den er uns des lesten chrigs wider di von Bayren getan hat, und haben im dieselben zwai tausent phunt phenning geslagen auf den sacz ze Seusenburg und die vogtey ze Wels und slahen ouch wizzenlich mit disem brief also, daz er und sein erben die darauf haben sullen in phandes weise in aller der mazze alz si ander gelt vormals darauf habent und die saczbrif weisent die in daru^eber von unsern vordern geben sind an alles geverd. Geben ze Wienn an mitichen nach gotesleichnams tag nach Krists gepurd dreuczehenhundert jar darnach in dem newn und sechczigistem jare. Dominus dux Wehinger magister camere.

Source Fulltext: OÖUB 8 (Wien 1883), S. 418f., Nr. 423