Wir graf Ulrich von Schowenberg houbtman ob der Ens verjehen und tuen ku^ont offenleich mit dem brief, daz sich die erbern weis lewt der purgermaister der richter der rat und die gancz gemain der stat ze Pazzaw gancz und gar mit uns bericht habent umb alle die ansprach alz wir hincz in gehabt haben von der scheden wegen dez krieges den si mit dem hochwürdigen fürsten herren Alberten bischof ze Pazzaw in dem nahsten vergangen siben und sehczigistem jar habent gehabt, und sagen auch si und ir erben umb dieselben ansprach für uns unser erben und nachkomen ledig und lozz mit urchu^ond des briefs den wir in darüber geben, versigelten mit unserm insigel. Geben ze Schownberg an montag vor sand Margretentag do man zalt nach Cristi gepurt tawsent drewhundert jar und darnach in dem sibenczigistem jare.

Source Fulltext: OÖUB 8 (Wien 1883), S. 474, Nr. 478