Wir Albrecht von Gots gnaden hertzog ze O^esterreich ze Steyr ze Kernden und ze Krain graf ze Tyrol etc. embieten unsern getrewen . . dem richter dem rate und den purgern ze Ens unser gnad und alles guet, umb ewerr statrecht die ier uns an ewerm briefe verschroben habt süllet ier wizzen, daz wier ew da bey gern wellen lazzen beleiben und auch darauf halten und schirmen, doch mainen wier und wellen daz ier furbaz in ewerm rate ein pu^ech habt und was wandlung beschehe u^eber so^eliche gueter, daz ier die darin merket und verschreibet daz man dieselben wandlung damite weisen und kunt gemachen mu^ege, wan wier vernomen haben daz daz ein grozze notdurft sey; was sich auch sachen nach denselben rechten daher vergangen haben die sullen sta^et und unveruket beleiben ze gleicher weise. Geben ze Wienn an freitag in der O^esterwochen anno domini etc. Lxx. secundo. Johannes de Tyrna.

Source Fulltext: OÖUB 8 (Wien 1883), S. 584, Nr. 582