Ich Ulreich der Wyeschendorjfer und all mein erben verjechen, . . . daz ich . . . mit aller meiner erben gu^etleichem willen . . . gegeben geschaft und gemacht han ayn phunt wachs daz man (sic) mier dient der Ro^esner alli jar jerleich ze der liechtmess von einem akcher den der Ro^esner inne hat, der mein vreyes aygen ist und gelegen ist in dem pu^erchfrid ze Gallneunchirichen, daz man daz selb phunt wachs nach meinem to^ed alli jar jerleich geben und raichen sol ze der liechtmesse als vor geschriben ist gen Gallneunchirichen ze unser vroun messe, daz dapey prinen sol an allez vertziechen und an alleu widerred aller meiner erben. Und dez ze u^erchund gib ich den brief versigelten mit meinem anhangundem insigel. Der red ist getzeug mein o^ehaim Arnolt der Schiezzenperger mit seinem anhangundem insigel. Der brief ist geben nach Christi gepu^erd uber dreutzehen hundert jar darnach in dem drew und sybentzkisten jar des vreytags nach sand Nyclas tag.

Source Fulltext: OÖUB 8 (Wien 1883), S. 667f., Nr. 665