Nos Albertus et Leuppoldus fratres Dei gracia duces Austrie Styrie Karinthie ac Carniole comites Tyrolenses etc. recognoscimus ac notum facimus universis et singulis presencium inspectoribus seu auditoribus presentibus et futuris, quod cum nos ex eventibus diversis et causis variis gravia debitorum onera ineiderimus, quibus cottidiana usurarum et obstagiorum acrescunt dampna intollerabilia, propter que eciam nos nostre terre et gentes subdite possemus turbari graviter et invasiones ac pericula inevitabiliter sustinere, nos maturo consilio et digesta liberacione prehabitis cum nostris consiliariis et fidelibus ad intercipiendum pretacta dispendia ac mala alia que ex eisdem verisimiliter sequerentur, preclare principi domine Violance de Mediolano nostri ducis Alberti predicti consorti de certa sciencia obligavimus ac titulo justi pignoris obligamus per presentes rite et legittime castrum nostrum in Weittenegg cum centum libris denariorum wiennensium ibidem ab antiquo dari solitis annuatim pro castrensi custodia seu purchhu^otta et cum redditibus annuis mille et septuaginta quinque florenorum auri legalis et sufficientis ponderis dandis de urbora comitatus nostri in Weytenegg et de mutis in Ybsa et in Emmerstorf ae de aliis redditibus fructibus et juribus spectantibus ad castrum et comitatum nostrum Weytenegg antedictos pro decem milibus septingentis et quinquaginta quatuor florenis aureis auri legalis et ponderis sufficientis. Item obligamus tytulo quo supra predicte domine Violance castrum nostrum in Styra cum septuaginta octo libris et triginta denariis monete wiennensis, cum tredecim modiis siliginis et triginta modiis avene et quatuordecim porcis quodlibet de quatuor solidis denariorum wiennensium conputandum ab antiquo dari solitis pro castrensi custodia seu purchhu^otta, ac cum duobus milibus et nonaginta florenis aureis dandis ibidem annis singulis de urbora tributis ungeltis theloneis ac aliis redditibus fructibus et juribus spectantibus ad castrum et dominium nostrum in Styra predictum pro viginti milibus octingenta (sic) et nonaginta quatuor florenis aureis in auro et pondere legalibus ut prefertur. Item obligamus titulo quo supra prefate domine Violance castrum nostrum in Haimburga cum centum et quinquaginta libris denariorum wiennensium nomine castrensis custodie seu purchhu^otte dandis ibidem annis singulis necnon cum redditibus annuis quingentorum florenorum aureorum in auro et pondere legalium ut prefertur, solvendis de urbora judiciis tributis ungeltis ac redditibus, fructibus et juribus aliis ad dictum nostrum castrum spectantibus quovis modo pro quinque milibus florenis aureis bonis et legalibus in auro et pondere ut prefertur. Summa reddituum omnium obligatorum in florenis ut predicitur denariorum wiennensium et anone sumis dandis pro castrensi custodia exceptis seu exclusis sunt tria milia florenorum sexingenti et sexaginta quatuor florenorum. Prefata igitur domina Violanza de Mediolano ejusque heredes prenominata tria castra cum suis purchhu^ottis ac redditus annuos jam dicte florenorum sume dande de urboris mutis theloneis tributis ungeltis ac possessionibus redditibus fructibus ac juribus aliis ad predicta castra et dominia pertinentibus debent teuere possidere et percipere nomine et tytulo justi pignoris absque defalcacione fructuum, quousque nos vel nostri heredes dicta castra et redditus antedictos a prefata domina Violancza vel ab ejus heredibus ex ea per nos ducem Albertum genitis redimamus et liberemus cum triginta sex milibus sexingentis et quadraginta octo florenis aureis in auro et pondere legalibus ut prefertur. De qua quidem redempcione per nos vel nostros heredes facienda ut predicitur prefata domina Violancza vel ejus heredes parere debent ac ad redimendum dare pro triginta sex milibus sexingentis et quadraginta octo florenis aureis auri et ponderis legalis absque dilacione qualibet, quamcumque per nos vel nostros heredes super eo requisiti fuerint dolo et fraude circa hoc penitus proculmotis. In casu vero ubi nos prefatus dux Leuppoldus partem in dictis tribus dominiis vel unius eorundem specialiter nos concernentem vellemus redimere quodcumque illorum foret, de eadem redempcione nobis pareri et locus dari debet absque contradicione qualibet indilate. Omnes vero et singuli redditus fructus et proventus de prefatis nostris dominiis provenientes quomodolibet ultra et super purchu^ottas predictas et summam trium milium sexingentorum et sexaginta quatuor florenorum sunt nobis et nostris heredibus annis singulis dandi et assignandi totaliter contradiccioue et dilacione quibuslibet circumscriptis. Prefata quoque domina Violancza de Mediolano et ejus heredes necnon quicumque prefata castra ipsorum nomine tenebunt pro tempore, debent castra eadem nobis et nostris heredibus berede (?) patencia ad omnes nostras necessitates et gwerras contra omnem mundi hominem nullo excepto penitus quando et quociens nostre fuerit nos et nostras gentes intromittendo et emittendo ac in eis sustentando et conservando absque tamen dicte domine Violancze vel heredum ejus dampno notabili sine dolo. Si autem dicta Violancza de Mediolano ab hoc seculo migraret nullo herede cum nobis duce Alberto prehabito derelicto, nos prefatus dux Leuppoldus nostram partem in dictis tribus dominiis liberare et redimere debemus et possumus a pretacto nostro fratre duce Alberto vel ab eo cui deputaverit vel testatus fuerit dolo quolibet proculmoto. Et in premissorum omnium et singulorum robur et testimonium evidens nos Albertus et Leuppoldus duces predicti sigilla nostra pendi mandavimus ad presentes. Datum et actum Wienne feria tercia mensis Marcii anno domini millesimo trecentesimo septuagesimo quarto.||
Domini duces in consilio.

Source Fulltext: OÖUB 8 (Wien 1883), S. 683ff., Nr. 678