Ich Ulrich von Reuschenpnch mein hausfraw^o Margret und all unser erben di wir jetzunt haben oder fürbas gewinnen verjehen, daz wir uns mit wol wedachtem muet und willen und nach unserr frewnt und anderr erber laeut rat wericht haben mit den erwirdigen herren den charherren und mit dem gantzzen capitel ze Pazzaw umb den hof ze Taufchirchen und waz dar zue gehort wesucht und unbesucht da wir erben wolten zu^e gewesen sein, daz wir diselben recht und erbschaft lassen und auf geben haben den selben obgenanten charherren und irem capitel, daz wir hinfür ewichleich hintz in noch hintz dem capitel oder wer in inn hat von iren wegen chain ansprach noch recht nimmermer gehaben süllen noch mügen weder mit recht noch an recht ez sey gaistleichs oder weltleich noch nieman von unsern wegen, und war daz daz wir daz indert überfüren oder dawider ta^eten oder jemant von unsern wegen mit red oder mit rechten oder gewalt oder mit andern taten, daz schol chain chraft noch recht haben, und waz si dez darnach dazzü schäden nämen oder genomen hieten für di zeit den si oder ir chelnär oder ir probst an gevär gesprechen mügen ir ainer an aid und an recht, den selben schaden lob wir in ab ze tuen an allez recht und an allew widerred. Und darüber zu einem urchünd und statichait geben wir in den brief versigelt mit meiner frawn frawn Anne von Waldek anhangundem insigel und mit irs suns willen und gunst, und mit dez erbern mans Ortoffs dez Westerburger di weil richter ze Pazzaw anhangundem insigel. darunder wir uns verpinten mit unsern trewn an aydes stat allz daz stat ze haben und ze volfuren daz an dem brief geschriben ist wann wir selber aygens insigls nicht haben. Dez sind zeugen der erberg ritter herr Lautwein der U^esel Fridreich der Chraft di weil purgermaister ze Pazzaw Leupolt der Tuemayer und ander erber la^eut genu^eg. Der brief ist geben da man zalt von Christes gepürt drewzehen hundert jar darnach in dem vier und sibentzkistem jar an sand Görigen tag.

Source Fulltext: OÖUB 8 (Wien 1883), S. 697f., Nr. 687