Jch fridreich Synczendorfer di zeit Pharrer daz sand Jorgen auff dem Ybsueld vnd mit mir di gancz gemain der pharlevt da selbz Wir veriehen offenbar mit dem prieff allen leutn/e gegn/eburtign/e und chunftign/e, Daz wir mit woluerdachtem mu^et vnd auch mit gancz veraintem rat di zeit, do wir daz rechtleich vnd wol getu^en machten, ledichleich habn/e gebn/e vnd gewechselt vnsrev drev gu^eter gelegn/e in der Nevnstat auff dem chirchperg, dez sneyder hofstat, dez smides hofstat, dez Mesner hofstat, di vor alle vnsers Gotzhaus rechtev freyev aygen gewesen sind, vmb daz gu^et genant an der Achleitn/e gelegn in sand Merten pharr, daz vnserr gnedign/e herren von Waltse hern Ru^odolfs, hern Reinprechtz, hern fridreichs auch freye aygn/e gewesen ist also, daz di selbn/e herren fürbaz di selbn gueter alle schulln/e innhabn/e, nuzzn vnd nieczzen mit alln/e den eren, rechtn/e vnd nuczzn/e vnd darzu^e gehorent, versucht vnd vnuersucht, gestifft oder vngestifft recht, alz wir sev von alter in aygens gwer herpracht habn/e, also setz wir auch yetzund di vorgenanten vnser Herren von waltse an nucz vnd an rechtev gwer, daz sev fu^erbaz alln/e iren frum da mit mu^egn/e schaffn mit verseczn, mit verchauffn/e, geben wem sev wellent an all vnser irrun. Wir sezzn/e vns auch der obgenanten gueter den vorgenanten herren ze scherm vnd ze gwer fu^er alle ansprach, alz aygens recht ist in disem land. Gi^eng in auer daran icht ab mit recht, dez sev schedn/e nemen, di selbn/e schedn schull wir in gancz vnd gar auz richten mit der stet, di wir vor vber di gu^eter gehabt habn an all ir mue vnd schedn. Daz di red also stet beleib, dar vmb geb wir all pharrlevt den prieff ze vrchund der warhait versigeltn/e mit mein obgenantes fridreichs dez pharrer Vnd Jacobs dez Aygner anhangundn Jnsigln/e, hinder dev sich auch verpintent die gancz gemain dieglub alle stet zehabn/e mit iren trevn/e. Der sache ist auch zeug Hans von Hahenek auch mit seinem anhangundn/e Jnsygl im an schadn/e. Der prieff ist gebn nach christes gepu^erd vber drevzehen hvndert iar, dar nach in dem sechs vnd Sybenczichstn/e Jar dez phincztags vor dem palm tag.

Source Fulltext: OÖUB 9 (Wien 1906), S. 62-63