ICH Fridreich der Pyber vnd all mein Erben veriechen vnd tuen chvnt offenbar mit dem brief allen den, di^e in sechent, hörnt oder lesent, Daz wir mit wolverdachtem muet nach vnserer pesten frewnt Rat vnd gvnst, vnd auch mit aller vnser Erben guetleichen willen zder zeit, do wi^er ez wol mit recht getuen mochten, recht vnd redleich versatzzt haben vnser Guet genant ze Ramlaw^e, da zder zeit Chvnrat der Mullner, der emaln vnser maier gewesen ist, aufgefezzen ist, daz gelegen ist in sand Petrer pfarr pey der Vreinstat, vnd daz vnser Vreys aygen gewesen ist, Dem Erbern mann Chvnrat dem Purgerpavren purger zder Vreinstat vnd seiner Hausfrav^en Kathrein vnd i^er payder Erben vmb Sechtzick pfvnt pfening alter wienner mu^enzz, di si vns genczleich gewert habent an all scha^eden. Wi^er haben in auch daz selb guet versaczzt mit alle dew, vnd darczu gehort, ze Holcz, ze Veld, ze DorfT, versuecht vnd vnuersuecht, vnd haben in daz geantwuertt auz vnser nucz vnd gewer in i^er nuczz vnd in i^er gwer mit allen den nuczzen, Ern, rechten vnd di^ensten, di^e davon bechomen mugen, alz wi^er daz gehabt haben in nuczz vnd in gewer. Ez ist auch losvng aller iar iarleichen an sant Jorgen tag, acht tag vor vnd acht tag hinnach, vnd wenn si dez obgenanten faczz nicht lenger inn gehaben mochten oder wolten, So schullen si vns losvng anpieten mit ainer gewizzen. Losten wi^er dann dar nach nicht in den nachsten Vi^erczehen tagen vmb dew obgenanten Sechczick pfvnt phening, so schullen si ze hant ierer pfening, di^e benant sind, davon bechomen mit verseczzen oder mit verchauffen, oder wi^e si allerpestt verlustt, mit vnserm guetleichen willen vnd schullen wir sew daran nichtz irren noch hindern weder mit recht noch an recht. Wir schullen auch dez obgenanten guetz vnd auch des saczz darauf i^er gewer sein an aller stat vnd auch ze Hoff vnd ze Tayding, wo in dez nott vnd durfft geschiecht, fu^er all ansprach vnd chvmftigen chrieg, alz landez recht ist ze Osterreich. Tett wi^er dez nicht, waz in an der gewerschafft abgieng mit aim rechten, Wiegetanen schaden si dez nemen, den i^er ains pey sein trewn vngesworn vnd vnberecht gesprechen mag, den selben schaden mitsampt dem Haupguet schullen wir in ablegen vnd widerchern gancz vnd gar, vnd schullen si daz haben dacz vnsern trew^en, vnd auch auf aller vnser hab, wo wi^er di^e haben inner lancz vnd auzzer lancz, versuecht vnd vnuersuecht, vnd schullen si vns darauf phenten an allez gericht vnd furbott, wo si vns vnd vnser hab anchoment auf lant, auf wazzer, in Steten oder in Panma^erchten, vmb hauptguet vnd vmb schaden mit vnserm guetleichen willen, vnd schullen dez vnengolten sein noch chain Veintschafft dar vmb haben von vns noch von andern levten. Daz in di^e Red also stett vnd vnczebrochen peleib, darvber so gib ich obgenanter fridreich der Pyber für mich vnd all mein Erben in den offen brief versigelt mit meins lieben Vettern Ottackers dez Pybers anhangvnden Insigel, vnd mit meins lieben Ohayms Stephan dez Volchrat anhangvnden Insigel, vnd mit dez Erbern manns Jansen dez Kurbiczzer zden Zeiten Lantrichter zder Vreinstat, Anhangvnden Insigel, di^e si all drey daran gelegt habent durch meiner fleizzigen pett willen zu zeugnuzz in vnd iren Erben an schaden, darvnder wir vns verpinden mit vnfern trew^en allez daz stett zu haben vnd zu volfueren, daz oben an disem brief verschriben ist, wenn wi^er zder zeit aigens Insigel nicht enheten. Der brief ist geben, do man zalt nach Christi gepu^erd vber Drevczehen hvndert Jar vnd darnach in dem Sechs vnd Sybenczikistem Jar dez nachsten Montagz vör sand Phylipps vnd sand Jacobs Tag der Heyligen zweliffpoten.

Source Fulltext: OÖUB 9 (Wien 1906), S. 75-77