Jch Walther der Zewinger Herwortz des Zewinger su^en selig dem got genad, mein Hausvraw vnd alle vnser erben veriehen —, daz wir verchauft haben dem erbern chnecht Gorglein dem Chro^etscher seiner Hausvrawn vnd allen iren erben, vnsers Rechten aigen ain Hueb ze Pu^echlern pei Stencz gelegen da Herman der Rassawer vnd v^ell des Cherner su^en auf siczent vnd dient i^er yegleicher zu^e sand Görgen tag fünfczikch phenning vnd ain vi^ertail waicz, einen halben vi^erlling Haber, ain Washeffen grewsse, ain vaschankchhenn . anderhalben zeling Har vnd zehen ayger(!) . alz vil dient i^er iegleicher, daz haben wi^er in die obgenannt Hueben mit aller zu^egeho^eru^eng vnd mit allen pu^enten in geslozzen vnd nichtz au^ez genomen genczleich vnd ze tod vnd ewichleich verchauft, vmb zwelf phunt gueter wienner phenning —. wi^er haben in auch nu^ecz vnd gewer in geantwu^ert vnd mit allen den Rechten . —. wi^er sullen in auch den obgenanten Go^erglein dem Chro^etscher seiner Hausvraw^en vnd allen i^eren erben die obgenantew Hueben mitt aller zu^egehoru^eng scherm vnd vrein vo^er aller ansprach fu^er rechtz aigen nach des Landes Recht in Steyer .— —. Daz in daz alles stet vnd vnzeprochen beleib gib ich in obgenantter Walther der Zewinger vnd mein erben diesen offen prief versigelten mit meinem aigen anhangundem Jnsigel vnd mit des erbern chnechts Dyepoltz des Lemsnitzer aigen anhangundem Jnsigel den ich egenannt Walther der Zewinger vleizz(ichleich) darüber erpeten han —. Der prief ist geben nach christs gepu^erd drewzehen Hu^endert Jar dar nach in dem Sechs vnd Sibenczigistem Jar an sand Gilgentag.

Source Fulltext: OÖUB 9 (Wien 1906), S. 144-145