Wir Albrecht von Gotes gnaden Herczog ze Österreich, ze Steyr, ze Kernden vnd ze Krain, Graf ze Tirol zc. Tu^on chunt vmb die Lehenschafft der Chapell ze Tiernstain, die in dez Künringer Haus gelegen ist, vnd die die erber Elzpeth von Walsse ab der Steyrmarich gestifft vnd gewidemt hat, dieselben Lehenschafft si nach irm Tode verschriben vnd gemacht hat vnserm getrewn lieben Haydenrichen von Meyssow obristen Schenken in Österreich, daz wir dieselben Lehenschafft bestet haben,— —, Mit vrchund dicz briefs. Geben ze Wienn an Eritag vor sand Larenczen tag dez heiligen Martirer Nach krists gepurt drewczehen hundert iar darnach in dem sechs vnd Sibenczigisten Jare.

Source Fulltext: OÖUB 9 (Wien 1906), S. 129