Ich Hertneyd der Schichk vnd ich weczel der Schichk sein Prüder vnser Hausfrawn vnd vnser Payder Erben veriehen —, daz wir ze Chauffen haben geben Nyklasen dem Sneyder vnd seiner Hausfrawn Kathrein vnd iren payden Erben ein vreyes Chaufrecht auf vnserm lehen gelegen ze Limpach in Strenberger pharr — vmb ein gelt, des wir von in gancz vnd gar gericht vnd gewert sein ze rechten tegen an all vnser scheden. Wir sein auch des obgenanten chauffrechtz ir rechte Hern, scherm vnd gewern vnd fürstand, alz ander chaufrecht recht hat ze Österreich in dem Land. — Sew su^ollen vns auch von dem Obgenanten Lehen mit aller seiner zugehörung dienen alle iar ierichleichen an vnser vraw^entag zder dinstzeit Sechczichk wyenner phenning vnd chain ander vodrung nicht mer. — vnd alz oft ein wandlung geschicht, dy söl geschehen mit vnser Hant vnd wer abfart, der geyt ze abfart Sechczichk wienner phenning vnd wer auffert, der geyt ze auffart Sechczichk wyenner phenning vnd nicht mer. Vnd dez zu einer sichtigen waren vrchünd gib ich Obgenanter Hertneyd der Schichk vnd ich weczel der Schikk für vns vnd für alle vnser Erben dem Obgenanten Nyclasen dem Sneyder vnd seiner Hausfraw Kathreyn vnd irn payden Erben den Offen brief versigelten mit vnser Payder Anhangu^onden Insigeln wol bestet. Geben da man zalt von Christi Gebürd über drewzehen Hundert jar vnd darnach in dem Syben vnd Sybenczkisten Jar, des nachsten Mentags nach dem Palmtag.

Source Fulltext: OÖUB 9 (Wien 1906), S. 225-226