Ich Haydenreich von Meyssow, obrister Schenkch in O^esterreich, vnd ich Hans von Liechtenstain von Nikolspu^orch zu den Zeiten meins gnedigen Herren, des Hochgepornen Fürsten Herczog Albrechts ze O^esterreich Hofmaister, vnd alle vnser Erben, Wir vergehen —, daz wir —, verchaufft haben vnsers rechten Lehens, das wir von dem Hochgeporn Herren Graf Fridreichen dem Pu^orggrafen von Nu^ormberg, ze lehen gehabt haben, die halben Vestt ze Wolfgerstorf halbew, den hindern tail, als es vns an rechtem tail, gegen Herrn Vlreichen von Dachsperch vnd gegen Hern Wolfgangen vnd Hansen den Stra^ewen geuallen ist, vnd alles das, das zu demselben vnserm Halben tail gehöret, vnd alles das, das wir daselbens ze Wolfgerstorf gehabt haben, das von dem Pu^orggrafen von Nu^ermberg Lehen ist,— —, mit allen den nüczen, ern vnd rechten, als wir denselben vnsern halben tail mit aller seiner vorgenanten zu^ogehörung nichts ausgenomen in lehens gewer, herpracht habent, Also haben wir das recht vnd redleich verchoufft —, vmb Achthundert phunt wienner phenning —, dem vorgenanten Hern Vlreichen von Dachsperch vnd Jo^ergen von Dachsperch seinem Vettern, seins Pru^oder Sun Hern Wolfgers seligen von Dachsperch vnd allen irn Erben —, vnd sein ouch wir, vnd alle vnser erben vnuerschaidenleich des halben tails, den wir an der obgenanten halben Vestt gehabt haben, vnd alles des das wir daselbens ze Wolfgerstorf gehabt haben, vnd alles des das zu demselben halben tail gehöret —, das von dem Pu^orggrafen von Nu^ormberg lehen ist der egenanten Hern Vlreichs vnd Jörgen der Dachsperger vnd aller irer Erben, Recht gewern vnd Scherm — als Lehens recht ist vnd des Lanndes recht ze O^esterreich. Wa^er aber, daz Jn an demselben Gu^otern icht abgieng, mit recht, —, das su^ollen wir Jn alles ausrichten vnd wider chern, —, Vnd sullen Si das haben, auf vns vnd ouf allem vnserm güt, das wir haben in den Landen ze O^esterreich vnd ze Ma^erhern, —, Vnd daz der Chauf fürbas also stet vnd vnczerbrochen beleih, daru^ober so geben wir obgenante, Jch Haidenreich von Meyssaw vnd ich Hans von Liechtenstain für vns vnd für alle vnser Erben den vorgenanten Hern Vlreichen vnd Jörgen von Dachsperch vnd allen irn Erben den brief zu^o einem warn vrku^onde der sache versigilten mit vnsern Jnsigiln, vnd mit der erbern Herren Jnsigiln Hern Wernharts von Meissow, obrister Marschalich vnd zu^o den zeiten Lantmarschalich in O^esterreich, Hern kadolts von Ekchartzow dez eltern vnd Hern Ru^odolfs von Waltse zu den zeiten Houptman in Steyr, die wir des vleizzichleich gepeten haben, daz Si der sache gezewgen sint mit irn Jnsigiln, angehangen, Der brief ist geben ze Wienn nach Christes gepu^ort, drewczehen hundert iar, darnach in dem Siben vnd Sibenczgistem iar, des freytags in den ersten vier tagen in der vasten.

Source Fulltext: OÖUB 9 (Wien 1906), S. 198-199