Ich marichart der Hesib vnd mit mir mein hausfraw vnd all vnser paider eriben, wir veriehen — — , daz wir — — cze chauffen haben geben vnser lehen cze Ryed gelegen in Nevnhofer pharr —, demerbern Herren Hern Otten von Czeltching dem Jungen von Freudekk vmb an ains dreissichk phunt phennig wyenner mu^onizz. — Vnd ist auch daz vorgeschriben gu^ot vormoln vnser rechts lehen gewesen von den alten Hern Otten von Czeltching von Schonekk, doran wir yn iz geben haben an all czue spruch der wir ungolten sein von der vorgen(ant) herschaft wegen, Vnd sein auch dez vorgeschriben chauffs i^er rechter scherm vnd gewer, also chauffs recht ist in dem Land czu^e Öster(reich). — — Daz die sach stet sey vnd vnczebrochen peleib, dor vber gib ich vorgen(ant) Marichart der hesib fu^er mich vnd all mein eriben den offen prief versigelt mit meinem anhangendem Jnsigell, allez daz stet ze haben, daz vor an dem brief geschriben stät ze pesser zeügnuss der sach sind czeug ülreichs der pöchs cze slichkenrantt, vnd Jacob der Pra^eter vnd Christan der hesib ze hag mit aller ir dreyer anhangenden Jnsigelln die sev doran gehangen habent cze einer waren ürchu^ond yn an schaden. Daz ist geschechen do man czalt von Christi gepu^ord dreuczehen hundert iar darnach in dem suben vnd subenczisten iar dez Suntags vor sand Gorigentag.

Source Fulltext: OÖUB 9 (Wien 1906), S. 235-236