Reuerendis in christo patribus et dominis karissimis domino Altmanno venerabili Abbati Monasterii sancti Mauricij in Altach inferiori ordinis sancti Benedicti Patauiensis dyocesis vniuersalique eius sacro Conuentui, domino et creatori omnium strennue ibidem militanti. frater Stephanus Abbas, pernnoldus prior totusque humilis Conuentus Monasterii beate virginis in Pawmgartenperig ordinis Cisterciensis eiusdem dyocesis, cum acceptis vtinam deo oracionibus pace, quem secundum apostolum omnem sensum exsuperat, in presenti continue possidere, cursumque huius miserabilis vie, sic in domino feliciter terminare, vt tandem sarcina corruptibilis humane condicionis deposita contingat, diuinam essenciam cum beatis oracionibus perpetuo facietenus contemplari. Quia igitur nullis nostris erga vos meritis exigentibus nos vestros confratres gratuito censere decreuistis, iuxta vestrarum tenorem litterarum, nos eandem firmitatem velud alteri Machabei exordis affectu presentibus renouantes, ipsamque gratulabunde ratam habere cupientes, exnunc vos omnium missarum vigiliarum, deuotarum oracionum, disciplinarum, ceterumque spiritualium exercitiorum, que diuina clemencia per nos et nostros successores dignabitur operare, participes esse volumus pariter et optamus, hoc adiuncto, quod quum obitus cuiuspiam vestrum nobis fuerit intimatus, ipsum tamquam vnum ex nobis in nostro capitulo absoluemus pro cuius eciam anima vnicuique sacerdotum tres missas, iuuenibus vnum psalterium, conuersis vero centum quinquaginta pater noster cum totidem angelicis salutacionibus instituemus, nomen quoque ipsius nostro defunctorum breuiario annotabimus, vt secundum nostri ordinis consuetudinem annuatim cum ceteris nostris in christo filiis et confratribus eius anima in capitulo per deuotarum oracionum suffragia deo reconmendetur. Jgitur in predictorum omnium euidens testimonium. presentes litteras vobis duximus transmittendas, nostri et Conuentus sigillorum ajpensione conmunitas. Datum Anno dominice incarnacionis. Mo. CCCo. LXXVIJo.

Source Fulltext: OÖUB 9 (Wien 1906), S. 302-303