Wir Graff Hainreich czu Schawnberg veriehen offenlich mit dem briff, daz wir mit wolverdachtem mu^et vnd nach rat vnsers Rates vns veraintlich vnd an alles geverde verpünden haben vnd verbinden vns auch mit dem brif czu dem hochwirdigen fursten vnserm liben herren hern Pilgreim Erczbischof cze Salczburg, Legat dez Stuls cze Rom vnd zu dem obgenanten seinen Goczhaus cze Salczburg yn cze helffen mit allem vnserm vermu^egen getrewlich vnd angeverd als offt vnd¹⁾ alz dicke in dez notgeschiht vnd daz an vns vordernt vnd begernt vnd sullen wir daz in dhainerlay weis niht wider sprechen noch widerreden, czu gleicherweis sol er vns und sein Goczhaus czu Salczburg beholffen sin mit allem vermügen trewlich an alles geverd alz offt vnd alz dick wir daz an jn vnd an sein Goczhaus vordern vnd begernt sein vnd sol daz von jm vnd seinem goczhaus in dhaineflay weis widersprechen werden. Ez ist auch getaydingt worden, ob daz geschech, daz von Kriegz vnser lant vnd lewt notdurfft wegen czu baiderseit von vns baiden vest oder geslo^ez, wy dy genant werden, geno^ett würden oder von vns vnd den vnsern gevangen gewunnen, di vnd dy selben sullen wir getrewlich miteinander tailen aber an alles geverd. Es sol auch ietwedertail dem andern helffen auf sein selbz choft vnd jn aller der mazz vnd weis, alz oben geschriben stet, vnd die obgeschriben puntnu^ezz vesticlichen stet cze halten wider aller meniclichen nymant auzgenomen dann allein den heiligen Stül cze Rom, daz heilig Romisch reich vnd den wirdigen fürsten hern Lamprehten Bisschof cze Bamberg vnd dy hochgeborn fursten hern Albrechten vnd hern Leupolten gebrüder herczogen czu Osterreich vnd den wolgeborn grafen Meinharten czu Görcz, verhaizzen vnd geloben wir dy obgeschriben puntnüzz vnd teyding stet czu haben mit vnsern trewn an aydes stat von dem nechsten sand Gorgen tag der schirft ku^empt vber ein gancz Jar, sich sol auch yedweder tail mit den veinden weder berichten noch fride haben an dez andern wizzen vnd willen vnd an seinen rat vnd darvber czu vrku^end geben wir den offen bri^eff versigelten mit vnserm grossen anhangunden Jnsigel, der geben ist czu Schawmberg an sand Bartholemes tag dez czwelfpoten Nach Christi gepurt drewczehenhundert, darnach in dem siben vnd sibenczigistem Jare.

Source Fulltext: OÖUB 9 (Wien 1906), Nr. 239