Ich dyetreich der Teurwanger ze Chrotendorf vnd mein Hauswroue wroue wandel vnd all vnser erben vnd ich Dyetreich der Teurwanger ze Lautach vnd mein erben wier veriehen vnd tuen chund offenvar allen den, de den prief sehent, ho^ernt oder lesent, daz wier mit wolbedachten mu^et ze der czeit, da wier ez mit recht wol getuen mochten, mit guetem rat vnsrer nagsten vnd pesten frewnt verchauft haben vnserev czway gueter in der O^ed gelegen in Chirchhaymer Pharr, de vnser rechcz herczogisch aygen sind, mit allen den rechten, eren vnd nu^eczen, de dor czve geho^erent vnd alz sev vnser vodern vnd wier in rechter gewer haben her pracht, dem erbern Mann vlreichen dem Chramer Pu^erger ze Gmunden, seiner Hauswrouen vnd iren erben vmb wienner phenning, der wier gericht vnd gewert sein an allen schaden. Wier antwu^erten in auch de vorgenanten gueter aus vnsrer nucz vnd gewer in ier nu^ecz vnd gewer in allen den rechten, alz sev von alter her cho^emmen sind. Wier sein auch der obgenanten gu^eter ier recht geweren, also recht ist in dem land ob der Ens, fuer aller ansprach, gieng in awer von vns an der gewerschaft mit dem rechten icht ab, do von sy ze schaden chamen, den der obgenant Vlreich oder sein Hauswroue oder irer erben ainer gesprechen mag pey seinen trewen an ayd vngeswarn, waz er der gewerschaft schaden hab genommen, den selben schullen wier in wider ehern vnd ab legen an all wider red mit vnserm gu^etleichem willen vnd schullen fev daz haben ze vns vnd ze vnsern trewen vnd daez all vnfrer hab, wo de gelegen ift oder wye de genant ift an geuer. Daz de red ftaet vnd vnuerchert beleih, geben wier in den prief versigelten mit meins obgenantz Dytreichz des Teurwanger von Chrotendorf anhangundem jnsigel, dor vnter ich vorgenanter Dyetreich der Teurwanger von lautach mich verpint mit meinen trewen an aydes stat, alles daz staet ze haben, daz vor geschriben stet, vnd zve ainer pessern beczugnus mit vnsern lieben vettern Wernhartz des Teurwanger vnd Mainhartz des Teurwanger payden anhangundem jnsigel, de wier wleizzichleich dor vmb gepeten haben in an allen schaden. Der prief ist gegeben nach Christi gepu^erd dreuczehen hundert iar, dor nach in dem siben vnd Sibenczgisten iar an fand Vlreichz Tag.

Source Fulltext: OÖUB 9 (Wien 1906), S. 274-275