Ich Thoman der Aphentaler, ich Wolfgang der Dra^eächselhaimer vnd ich Y/ernfrid der Gokkoch/or, vnser Hausfrawn vnd alle vnser Erben. Wir veriehen vnd tu^on chunt offenbar mit dem prief allen den di in an sehent oder ho^erent lesen. Daz wir mit wolbedachtem mu^ot vnd mit gu^otleichem willen, recht vnd redleich willig po^erigen vnd selbgeschol vnuerschaidenleichen waren sein, fu^er allev ansprach Ludweigs des Edelmans, Anne seiner Hausfraw, Dorothe, Janß, Margareth, Katreyn, ire Chinder vnd aller irer Erben, hintz dem Gotzhaus vnd Capitel. vnd iren nachomen ze Matze vmb daz Gu^ot daz gehaizzen ist ze Rogscherren mit aller zugeho^erung, daz demselben Goczhaus her Christian der Gold Techent ze Matze gechauft hat. im ze einem ewigen Selgerät vmb X X phunt wyenner phening vnd da zu haben wi^er in auch verhaizzen mit vnsern trewen. daz selb Gu^ot ze Rogscherren ze Aygen von vnserm gena^edigem Herren von Pazzaw. do es lehen von ist. demselben Gotzhaus ze Matze ewichleich zu besitzen, fu^er ein freys aygen. vnd schol daz von vns aus getragen vnd geendet werden mit vnserm genädigen Herren von Pazzaw. wan er nächst gein Pazzaw chu^omt. oder an daz lant. oder alz drot (sic!), wir mu^ogen an geua^or. an dez Gotzhaus vnd dez Capitels ze Matze mu^o vnd zerung vnd schaden vnd einen aygen prief dar v^eber von meinem Herren von Pazzaw auch an allen iren schaden, dem Gotzhaws über di aygenschaft ze geben. Vnd schol daz geschehen mit einem auswechsel. Also daz Her Thoman der Aphentaler sein gu^ot ze Aychach. daz sein Aygen ist. vnd gelegen ist in Metmacher Pharr von meinem Herren von Pazzaw ze Lehen schol nemen vnd sein nachomen ze widerlegung für Rogscherren vnd schu^ollen wi^or dar nach fu^or baz dez selben Goczhaus ze Matze gewern, vertreter vnd fürstand. an fu^erphantzstat sein, alz vmb rechtz freys aygen. vnd dez Lantz recht ist. Gescha^och aber dem oftgenanten Gotzhaus vnd Capitel ze Matze vnd iren nachomen von dem obgenanten Gu^ot ze Rogscherren vnd waz darzu geho^ert. dhain stos. chrieg. oder in val. oder vertziehen von wem daz wa^or. an dem auswechsel dez daz Goczhaws. ze schaden cha^om den schu^ollen wir in allen aus tragen vnd richtig machen an alle i^or mu^o vnd schaden. Ta^oten wi^or des nicht. wittanen schaden si des na^omen den lu^ob wi^or in vnuerschaidenleich mit vnsern trew^on an aydez stat ze wider chern. an alle widerred. an geuär. Vnd schu^ollen si daz haben auf vnsern trew^on vnd auf aller vnser hab wo wir di haben inner lantz vnd ausser lantz versu^ocht vnd vnuersu^ocht. Daz daz dem vorgenanten. Goczhaus. vnd Capitel ze Matze allez also sta^ot vnd vntzebrochen beleib geb wir in ze einer waren zeugnu^ozz den offen prief versigelten mit mein vorgenanten Thoman dez Aphentaler vnd mit vnsrer vorgenanten Wolfgangz dez Dra^echselhaimer vnd Y/ornfridez dez Gokkocha^er anhangunden Jnsigel. Dez sind zeug Jans di weil Pfleger ze Matze. Chu^onrat der Scho^etinger Richter doselbst. Sygel der Aphentaler vnd Chunrad der Gräuel Purger ze Pazzaw vnd ander erber Lau^ot genu^og. Der prief ist geben nach Christi gepu^ord Dreutzehenhundert Jar. darnach in dem Sibentzigistem Jar dez na^echsten tags nach sand Erasemstag.

Source Fulltext: OÖUB 9 (Wien 1906), S. 262-263