Albertus dei et apostolice sedis gratia Episcopus Patauiensis Ad perpetuam rei memoriam. Cum ex debito pastoralis officij cultum diuinum augere ipsumque promouere modis, quibus possumus, teneamur, Sane oblata nobis Honesti viri Ha^ertnidi Institoris ciuis opidi in Wels nostre diocesis supplex peticio continebat, Quod, cum ipse deuoto ductus proposito ad laudem et gloriam diuini nominis Missam in Cappella minori hospitalis ibidem in Wels, in quarta vero seria cuiuslibet ebdomade (sic) in Cappella sancte Elizabeth ibidem perpetuis celebrandam temporibus de expresso consensu et bona voluntate dilecti in christo Chonradi dicti Hak tunc rectoris parrochialis ecclesie ibidem in Wels, cui et iamdicte fue ecclefie debita recompenfa facta existit, de bonis suis propriis sub certis modis, conditionibus et limitacionibus, prout in litteris desuper confectis, coram nobis exhibitis et productis lacius contineri dinoscitur, dotauerit sussicienter, nos donacionem ipsam approbare et confirmare auctoritate ordinaria dignaremur. Nos iustam et deuotam ipsius Ha^ertnidi peticionem amplectentes fauorabiliter et in domino conmendantes dotacionem predictam et omnia et singula circa eandem ordinata et disposita, prout prouide facta sunt, rata et grata habentes ipsa approbamus ac auctoritate ordinaria confirmamus necnon robur habere volumus perpetue firmitatis Ita tamen, quod presentacio dicte misse perpetue, quociens ipsam vacare contigerit, ad memoratum Hartnidum, quamdiu vitam duxerit in humanis, eo vero mortuo ad heredes suos semper tamen seniorem heredem, heredibus vero suis omnibus decedentibus casu oecurrente ad Consules dicti Opidi in Wels, Institucio vero ad nos et successores nostros Patauienses Episcopos perpetuo debeant pertinere. In quorum omnium et singulorum euidens testimonium et certitudinem potiorem presentes damus litteras sigilli nostrj munimine roboratas. Datum in Opido nostro ad sanctum ypolitum die VIIIJ Mensis Junij Anno dominj Millesimo Trecentesimo Septuagesimo septimo.

Source Fulltext: OÖUB 9 (Wien 1906), S. 265