Ich ffridreich der Pernestorffer vnd mein Hausuraw vnd all vnserr payder erben wi^er vergehen — — Vmb den Hoff gelegen czu^e dem Hedreichs den wi^er ze Lehen gehabt haben von vnsern genedigen Herren von Chajpellen, Vnd den sew vns von sündern genaden ze freim Pu^erchrecht verlihen habent, mit allem dem paw daz dor in gehort, Daz ich vorgenanter Fridreich der Pernestorffer oder meine chinder daz vorgenante pürchrecht verchauffen mo^egen czainczigen oder mit einander wie wi^ervnsern frum aller pest da mit geschaffen mügen — — in pürchrechtz recht. Vnd daz ich vorgenanter Fridreich der pernestorffer oder meine chinder oder wer den Hoff, vnd di^e grünt nach vns oder pey v^ensern lembtigen leyben inn hat, alle iar y^eerleich von ye der gewanten als offt ain ge wanten do ist dyenen vnd rayhen schu^ellen an sand Michelstag gen Gobolspu^erch dem Pharrer auf vnserr Vrawn alter doselbs czwen wynner phenning vnd von der plossen Hoffmarich sechs wy^enner phenning. Wer auer, daz des nicht also geschech, so schol der, der dy^e weil pharrer ist dacz Gobolspu^erch seiner rechten dorauff fragen, waz im denn mit recht gefelt, daz schol er haben auff dem Pu^erchrecht das im nicht verdi^ent ist warden, vnd daz ander schol sein v^engolten sein, als Pu^erchrechtz recht vnd des Landes recht ze Österreich + Vnd des ze v^erchu^end gib ich in obgenanter ffridreich der Pernestorffer den offen prieff ze einer ewigen vestigung der sach versigelt mit meinem anhangunden insigel. Dor zu^e han ich gepeten meinen O^ehem Paulein den Ladendorffer daz er der vorgenanten sach czeug ist mit seinem anhangunden insigel —. Der prieff ist geben nach Christi gepürd yber drev czehen Hundert iar, Darnach in dem siben vnd sibenczkisten iar des freytags vor dem sunibent tag.

Source Fulltext: OÖUB 9 (Wien 1906), S. 266