Wir Albrecht von Gots/e gn/eaden Herczog ze Osterreich, ze Steyr, ze Kernden vnd ze Krain, Graf ze Tyrol etc. Tu^en kunt, wan das Jnsigel, daz vnser getrewr lieber Hainreich von Walsse Haubtmann ob der Ens verloren hat, vor alz vil zeits/e, als des notdurft ist, mit vnseren briefen verrufft ist worden in der Lantschrann, vnd in den Judenschu^elen vnd nach derselb verruffung niemant mit dhainem brief furkomen ist, Darumb wellen wir ernstlich, ob furbazz yemant furpreht dhainen brief versigelten mit demselben verruften Jnsigel, der dem egenanten von Walsse oder seinen erben schedleich wa^ere, daz der dhain Kraft hab, vnd genczlich to^et vnd ab sey vnd dem vorgenanten von Walsse, vnd seinen erben dhainen schaden, noch yeman anders dhainen frumen bringen in dhain weg an alle geuerd. Mit vrkund dicz briefs. Geben ze Newmburg Markthalben an sand Peters vnd sand Pauls tag der zwelfbotten Anno domini M.oCCC.oLXXVIJ.o dominus dux et magister curie de Liechtenstain.

Source Fulltext: OÖUB 9 (Wien 1906), S. 273