ICH Larentz der Hu^etter vnd ich Chu^enigund sein hausurow vnd all vnser Erben Wier vergehen —, Daz wir — mit vnsers lehenherren hant dez hochgeporn fu^ersten Hertzog Albrechts ze O^esterreich, ze Steyr, ze Kernden vnd ze Chrayn, Graf ze Tyrol etc. — verchaufft — haben Niclasen vnd lienharten gepru^odern den Wedeln mein obgenanten Larentz O^ehemen vnd allen irn Erben vnsers rechten Lehens, daz wir von vnserm herren dem hertzogen ze lehen gehabt haben, den Perkch gelegen zwischen Mewrling vnd Alacht, der do haizzet der Chirichperkch, — vnd ein hofstat gelegen daselbens v^enden hin an vnd haizzet in dem Perbinchel, mit aller irer zu^egehorung, —, Dauon man alle iar dient acht vnd zwaintzig wienner phenning vnd fu^emftzehen Ayr vnd einen Ches, der dreyer helbling wert sey, —, vmb achtzehen phunt wienner phenning, — Also, daz Si vnd ir Erben su^ellen fu^erbaz die vorgenanten gu^eter mit allen nu^etzen vnd rechten, — haben vnd allen irn frumen damit ze schaffen, —. Vnd sein auch wür — der vorgenanten gu^eter des Chirichpergs vnd der Hofstat —, ir recht gewern vnd scherm fu^er alle ansprach, als Lehens recht ist vnd des Lanndes recht ze O^ester¬reich. —, Daru^eber So geben wir den vorgenanten Wedeln vnd allen irn Erben den brief ze einem warn vrchund der Sach versigilten mit mein obgenanten Larentzs des Hu^otter anhangundem Insigil vnd mit meines Ohems Insigil Albers von Wildekk vnd mit Jo^ergen Insigil von Dornpach, die wir des vleizzichleich gepeten haben, daz Si der Sach getzewgen sint mit irn Insigiln In an schaden. Der brief ist geben nach Christes gepurt drewtzehenhundert Iar, darnach in dem Acht vnd Sibentzgistem iar des Sambstags in den ersten vier tagen in der Vasten.

Source Fulltext: OÖUB 9 (Wien 1906), S. 398-399