Ich Andre der Proeler Purger ze Grecz vnd mein Hausuraw vnd all v^enser Erben wi^er vergehen —, Daz wi^er — verchauft haben dem Erbern mann Erharten dem ffleischakcher von sand Peter seiner Hausurawn vnd allen irn erben vnsre halben Hueben die gelegen ist ze Mezzendorf ze nachst an irew Hu^eb, die wir in auch verchauft haben vnd die ze lechen ist von Herrn Otten von Stwbenberch vnd sullen in auch die vrlawben vnd richtig machen ynner iars vrist mit dez obgenanten Herrn Otten von Stubenberch Hant an allen irn schaden. Wir haben in auch die obgenant Halben Hub — in geantwurt in nucz vnd in gewer —, Alz wi^er sey vnd vnser vordern in nucz vnd in Lechens gewer von a^olter her pracht —, vnd habent vns darvmb geben Newntzehen phunt gu^eter wienner phenning —. Wir loben in auch die obgenant halben Hueb mit aller zugehorung furbaz in rechter gewerschaft scherm vnd vrein vor aller ansprach nach chaufs recht. nach Lechens recht vnd nach dez Landez gewonhait in Steyer. Tet wir dez nicht, welhen schaden sew dez fürbaz nemen hincz Juden oder hincz Christen, wie der schad genant wer —, den loben wir in genczlich abzelegen — vnd wern der Statrichter ze Gra^ecz oder der Landez Herr in Steyr oder wer an seiner stat gewaltig ist — richten vnd weren der vorgenant Lehenherr —. Wer aber der Lechenherr sawmig daran so sol ez tw^en der Landez Herr in Steyer oder wer an seiner stat gewaltig ist an allez vercziechen vnd dez ze vrchund der sach geben wir in den brief versigelten mit dez Edeln Herrn Hern Otten von Stubenberg obrister Schenkch in Steyer anhangunden Jnsigel, der daz durch vnser pett willen daran gehangen hat im vnd sein Erben an schaden. Darvnder wi^er vns verpinden allez daz stet ze haben daz oben geschriben stet, wann wir selber nicht Jnsigels haben¹⁾. Der brief ist geben nach christs gepurd drewczehen Hundert Jar dar nach in dem Acht vnd Sw^ebnczigistem Jar dez Sampcztags nach sand Chu^enigunden Tag.

Source Fulltext: OÖUB 9 (Wien 1906), S. 399-400