Ich Ernreich der Ottenperger, mein Hausfraw vnd all vnser eriben, tu^on ku^ont, — daz dy Ernwirdigen — Herren Her Johanns Tu^emprobst, Her Herman Techant vnd gemainchleichen dy Chorherren ze Pazzaw. ir vnd ires Capitels mittrew halbew Hueb zw nydern Jnczing in Hartchircher Pharr gelegen in Griespechker Gericht vns — verlichen — habent. zw rechtem eribrecht nach Lantz recht — also — daz wir in — iarleichen dauon dienen — sullen gein Pazzaw auf iren Chasten — an sand Marteinstag Sechs Mu^ett Habern irer Chasten mazz.— — — — — — Mit vrchund des brifs wesigelten mit der Erbern meinez lieben Vater Hiltprantz dez Ottenperger vnd Ottens von Law anhangvnden Jnsigeln — wann ich Egenanter Ernreich der Ottenperiger dy czeit nicht aygens Jnsigels enheten. Geben an dem Palmtag — 1378tem Jar.

Source Fulltext: OÖUB 9 (Wien 1906), S. 421