Wir Ott des heiligen Romischen Reichs Ercz Camrer, Kürfürste, Wir Stephan, Fridreich vnd Johanns Gebrüder, des selben Herren Otten Vettern, all von Gotes genaden Pfallencz grafen by Rein vnd Herczogen in beyern zc. bechennen offenlich mit dem brief, vmb daz Haus zu dem wasen, daz Zachereis der Hadrer Vlrich dem Granns versaczt hat, nach Lautt vnd sag der brief di si dar vmb gen ein ander geben habend, daz daz beschehen ist mit vnserm guten willen vnd gunst, Vnd wir süllen auch den vorgenanten Vlrich Granns oder wer den sacz vnd di brief von iren wegen Jnn hat, der zu vnserm Land gen Beyern gehöret genedichlich schi^ermen, daz wir von vns oder ander gelter wegen noch von nymand anders nymant gestatten süllen, daz man si dar an enge oder Jrre. Es sol auch di vorgenanten Vestt vnd Haus zu dem Wasen vnser offen Haus sein zu^e allen vnsern nöten vnd kriegen in an schaden, vnd sol auch wider vns nicht sein in dhein weise an geuerde. Vnd dar vmb so gebieten wir allen vnsern Ambtlaüten Vicztumben Pflegern Richtern vnd allen andern wie di genant sind di wir iczö haben oder fürbaz gewinnen ernstlich by vnsern genaden vnd Hülden daz ir si von vnsern wegen auch schirmet vnd nymand gestätt, daz si dar über nymt bechrenkch noch beswär von der vorgenanten sach wegen. Mit vrchünd dicz brieues in geben versigelten mit vnsern anhangenden Jnsigeln. Der geben ist ze Mu^enchen an dem freitag nach dem Heiligen Ostertag Anno d(omi)nj M°. CCC°. LXX octauo.

Source Fulltext: OÖUB 9 (Wien 1906), S. 427-428