Wir Albrecht von gotes genaden Bischof ze Pazzaw . bechennen . vnd tu^on ku^ont . daz wir schuldig sein . vnd gelten su^ellen . dem Ersamen vestten Ritter Tankcharten. dem . Herleinsperger . seiner Hausfrawn . vnd iren Eriben . drew Hundert pfunt wienner pfenning . darumbe si mit vnserm willen . von Vireichen dem Leuczenrieder vnd von seinen Eriben vnser vnd des Gotshauss Vestt ze Schalenberch gelöst haben, vnd Hundert pfunt auch wienner pfenning, die si an derselben vnserr vestt wizzentleich verpawn süllen. vnd vmb dieselben vier Hundert pfunt wienner pfenning haben wir dem egenanten Tankcharten dem Herleinsperger seiner Hausfrawn vnd allen iren Eriben versetzt vnd verseczen in auch zu rechtem sacze . dieselben vnser vnd vnsers gotzhauss vestt ze Schalenberch . mit aller irr zu^egehörung, Also beschaidenleich, daz si dieselben vnser vestt ze Schalenberg, mit allen eren, rechten, vnd nüczen, die dar zu^o gehörnt, inne haben, niezzen vnd nu^eczen, an allen abslag als saczs vnd des Landes recht ist vngeuerlich. Wir sullen in auch iärchlich dohin raichen vnd geben . alle die zeit. vnd die ir sacz ist. aus vnserr Mawtt ze Passaw . fümfczikch pfunt wienner phenning . dreizzikch pfunt derselben phenning ze dienst. vnd die andern zwainczikch pfu^ent ze pu^erchu^et, der si halb auf sand Gorgentag, vnd halb auf sand Michels tag : iedes iars ze Pazzaw in vnserr Stat ga^entzlich verricht vnd gewert süllen werden, vnuerczogenlich an alle irrunge vnd verpot. Würde in aber dieselben dienst phenning zu einer frist, oder zu menigerr verzogen . was, si denne derselben irr dienst phenning redlicher schäden nement, ir eins trewn, der den brief fu^erbringt, dar umbe ze gelauben . den süllen wir in genczleich abtu^on, vnd widercheren . vnd daz sullen si haben zu vns. vnd dazu auf aller vnser vnd des goczhauss Hab, wo wir die haben, dauon si des bechömen mu^egen, an all Hindernu^ozz vnd irrunge . Wir, vnser nachkömen vnd vnser Capitel, ob nicht Bischof die zeit doselbs wa^er, haben aber vollen gewalt vnd recht die vorgenanten vnser vestt ze Schalenberch mit aller zu^ogehörung . vnd dienst phenning, so oben berürt ist, von in iärchlich ze lösen zu sand Gorgen tag, vor oder nach in den||
nächsten vierczehen tagen . vmb die egenanten vierhundert pfunt wienner phenning vnd nicht tewerer, der wir Sie sullen denne richten vnd weren auch ze Pazzaw in vnserr Stat, an||
alle irrung . vnd verpot. daran si. vns nicht irren sullen . noch Si. su^ellen derselben losung widersten dheins wegs an alles geuerd. Es sol auch dieselb vnser vestt ze Schalenberch, vnser, vnsers gotshauss, vnserr nachkomen, vnd vnsers Capitels, ob nicht Bischof die zeit doselbs wär, offen Haws vnd geslos sein zu allen vnsern vnd vnsers gotzhauss chriegen, stözzen vnd notdu^erften, alz offt vns . vnd vnserm goczhaus des not geschiht. an geuerd . dem obgenanten Tankcharten dem Herleinsperger, seiner Hausfrawn . vnd iren Eriben doch an schaden. Vnd des ze vrku^ende geben wir . in . den brief besigelten mit vnsern vnd mit vnsers Ernwirdigen Capitels vnserr Korherren ze Pazzaw . angehangen insigeln. di ir insigel ze zewgnüzze der vorgeschriben Handlung . vnd sache . an den brief gehangen||
habent. In . vnd irs Capitels Hab . vnd gütern doch an allen schaden. Geben doselbs ze Pazzaw. an nachsten Freytag, nach vnser frawn tag . alz si verschaiden ist, Nach christi gepürde drew czehen Hundert iar. vnd in dem Acht vnd Sibentzigisten iare.

Source Fulltext: OÖUB 9 (Wien 1906), S. 493-494