Ich Vlreich von Wachaw mein Hausfraw vnd all vnser erben vergehen —, Daz wir —, verchauft haben mit Pu^orchhern hant, vnsern ledigen Weingarten genant der pruntaler gelegen ze nachst Peter Hewndleins Weingarten, da man alle Jar von geit zwen Wienner phennig in Vll Weigleins Lehen von Pu^ochel an sand Mich(el) tag zu rechtem Pu^orchr(echt) vnd nicht mer, Den vorgen(ant) Weingarten — haben wir in recht vnd redlich verchauft vnd geben vmb vir vnd achczik phunt Wienner phennig, der wir gancz vnd gar verricht vnd gewert sein zu rechten taegen, dem beschaiden Mann Vlreichen dem Eninchel von Ens seiner Hausfrawn, vnd allen irn Erben, vnd Gaben fürbaz ledichlich ze haben vnd allen irn frumen, da mit ze schaffen, mit verchauffen, versetzen, schaffen, machen vnd geben, wem Si wellent, an all vnser irrunge. Wi^er sein auch des vorgen(an)t Weingarten ir recht Scherm, vnd gewer für all an¬sprach, als pürchrechts recht ist, vnd des Landes recht in O^esterr(eich). — Vnd waz in dar an abget, daz sullen Si allez haben auf vns vnuerschaidenl(ich) vnd auf alle dem güt, daz wir haben, in dem Land ze O^ester(eich), oder wo wir ez haben, —, Vnd des zu Vrchünd geben wir Jn ich vorgenanter Vlr(eich) den offen bri^ef versigelten mit meinem aygen anhangunden Jnsigil vnd wand ich obgenanter Pu^orchher nicht aygens Jnsigels han, So han ich gepeten den erbern Niclan den Juden, daz er sein Jnsigel an den bri^ef gehangen hat an mein stat, im an schaden, vnd der Sach ist zeug Chünrat der slander mit seinem anhangunden Jnsigel durch vnser vleizzigen pet willen im an schaden. Der brief ist geben ze Wachaw an sand Vlreichs tag, Nach Christs gepürd drewczehen hundert Jar darnach in dem aecht vnd Sybenczkisten Jare.

Source Fulltext: OÖUB 9 (Wien 1906), S. 476-477