Ich Hanns von Trawn vergich offenlich mit dem brief daz mich der erwi^erdig fu^erst mein genadiger Herr Her Pilgreim Erczbischof ze Salzburg, Legat des Stu^ols ze Rom, ga^entzleich wezalt vnd fürderleich aus gericht hat, ze rechten tägen an allen meinen schaden, wienner pfenning Hundert pfunt, der er mir schuldig ist von der Wartung wegen meiner dienst, da mit ich im ain iar, daz sich an sand Egidij tag, der nächst hin ist, angehebt hat, wartund gewesen pin, vnd auch dasselb iar, noch wartund sein schol, Also das er mi^er, von derselben wartung wegen, meiner dienst, dhains soldes nicht mer schuldig ist von dem obgenanten iar, alz di brief lauttent, di wir dar vmb gen einander haben, vnd han auch dhainen schaden von derselben wartung wegen nicht genomen vntz auf heutigen tag, an geuär vnd dar über ze vrchund gib ich den offen brief, versigelten mit meinem aigen angetrukchtem Jnsigel, der geben ist ze Salzburg an Suntag nach dem Sunnewend tag, nach Christi gepürd drew tzehen Hundert iar dar nach in dem ächt vnd Sybenczigistem Jar.

Source Fulltext: OÖUB 9 (Wien 1906), S. 474