Jch Chunrat der Maütter vnd all mein erben veriehen vnd tün chunt offenleich mit dem brief allen den, di in sehent, hörent oder lesent, daz wi^er Riecht vnd redleich zü der zeit, da wi^er ez wol getün möchten vnd nach vnserr bellen frewnt rat versaczt haben dem Edeln wolgeboren lieben genedigen herren Graf Hainreichen zü Schownberch vnd allen seinen erben vnser haws gelegen ze Aschach vnd waz darzü gehört ze holcz, ze Veld, pawngärten, Akcher, waid vnd wismad, besuecht vnd vnbesuecht mit sampt den zehenten, di wi^er haben gelegen in dem Aschachwinchel, ez sein traidzehent oder weinzehent mit aller zügehörung, wie so daz alles genant vnd wa daz gelegen ist vnd waz da von bechömen mag bey chlain vnd bey groz, alz wi^er daz selb inngehabt vnd genozzen haben, vmb Hvndert phunt güeter wienner phenning Also mit der beschaiden, daz si nü hinfu^er daz egenant haws vnd di zehent mit aller zügehörung, alz vor geschriben stet, inn haben vnd niezzen sulln an vnser vnd aller maendleich irrung vnd hindernüzz. Wir sein auch des vorgenanten Sacz i^er recht geweren vnd fürstand, wa in des nöt geschiecht, alz satz vnd des Landes recht ist. Gieng in dar an icht ab, daz sullen si haben dacz üns, vnsern trewn vnd auf aller vnser hab, wa wi^er di haben vnd wie di genant ist, besuecht vnd vnbesuecht. Auch haben wi^er vollen gewalt den egenanten Sacz her wider ze lösen vmb di egenanten Hundert phunt wienner phenning alle iar jerleich zu vnser vrawn tag ze Liechtmezz vor vierczehen tag oder hin nach in vierczehen tagen. Vnd dar über zü einem stäten vnd waren vrchund Geben wi^er vnserm egenantem herren Graf hainreich von Schawnberch vnd allen seinen erben den brief versigelten mit meinem vorgenanten Chunrats dez Maütter anhangvndem Jnsigel vnd zü einer pesseren sicherhait vnd gezeugnuzze mit meiner Erbern frewnt Gorigen des Greissenstainer, Hansen des schreyerär, Chunrat des Gruber vnd Hansen des Galspekchen anhangvnden Jnsigiln, di si durich vnserr vleizzigen bet willen dar an gelegt habent in vnd allen i^eren erben an schaden, dar v^ender wi^er vns verpinden mit vnsern trewen alles das trewleich sta^ot ze haben vnd ze volfüren, das oben an dem brief geschriben stet, an alles geuerd. Der brief ist geben nach christi gepürd drewczehen hvndert Jar vnd dar nach in dem A^echt vnd Sibenczigistem iar des nasten Mitichen vor dem heiligen Weinacht Tag.

Source Fulltext: OÖUB 9 (Wien 1906), S. 546-547