Ich Jacob der Gestner, vnd all mein Erben vergehen —, das wir vns verlu^obt vnd verpunden haben —, gegen dem erbern Herren Hern Reinprechten von Haselaw vnd gegen seinen Erben vmb den zehent gelegen ze Schrikch den wir von Jm ze lehen gehabt haben, den wir verchaufft haben, zu des heiligen Chrewczes altar ze Newnburch markchthalben, vnd den er demselben altar geaigen (!) hat, das wir von Sant Merteins tag der schirist chümt dar nach ynner iares frist, chauffen süllen ein aigens güt gelegen in dem Lannde ze O^esterreich vmb fu^emfczig phunt wienner phennig vnd sullen denn dasselb Gu^ot von dem egenanten Hern Reinprechten von Haselaw, vnd von seinen Erben an des vorgenan(ten) zehents stat ze lehen enphahen, vnd haben, als Lehens recht ist vnd des Lanndes recht ze Österreich, vnd haben in darumb ze rechtem selbgescholn gesaczt, den erbern Hainreichen den Pühel, zu den zeiten Purggraf ze Rawchenstain, vnd sein Erben vnuerschaidenleich zusampt vns — (widrigenfalls gegen Leistung mit einem erbarn Knecht und zwei Pferden zu Wien in einem erbarn Gasthaus) —, Vnd su^ellen auch Si das haben, auf vns vnuerschaidenleich, vnd auf allem vnserm Güt, das wir haben in dem Lannde ze Osterreich —. Vnd darüber so geben wir Jn den brief ze einem warn vrkünd der Sach, versigilten mit vnsern insigiln, der brief ist geben nach Christes gepürt dreuczehen hundert iar, darnach in dem acht vnd Sybenczgistem iar, des nechsten phincztags vor Sant Cholmans tag.

Source Fulltext: OÖUB 9 (Wien 1906), S. 507-508