Wir pilgreim von gots genaden, Erczbischof ze Salzburg, Legat dez Stu^ols ze Rom, veriehen, daz wir — gegangen sein, hinder vnsern getrewn, Hertneiden den eltern Chuchler, pfleger ze Tytttnanning, Chunraten den Taufchind, Richter ze Salzburg, vnd Vlrichen den Talhaimer, gegen vnsern lieben in got Johansen dem Abt, vnd dem Conuent dez Gotzhaus ze Raitenhaslach, vmb i^er, vnd i^ers Gotzhaus Syeden, datz dem Ha^ellein, genant, der nider Hof, vnd vmb all i^er perg vnd wa^eld, di^e dar zu^o geho^ernt, vnd auch vmb den Hof, genant Dornaw, gelegen vor der Stat datz dem Ha^ellein, Also, waz sew zwischen vnser dar vmb sprechent — da schu^ellen wi^er an vnserm tail, gänczleich bey weleiben — — vnd dar über ze vrchund geben wir den offen brief versigelten, mit vnserm — Jnsigel, der geben||
ist ze Salzburg, an Mitichen, nach sand Mathias tag, Nach Christi gepürd 1379.

Source Fulltext: OÖUB 9 (Wien 1906), S. 587