Wi^er Albrecht von gotes gnaden Herczog ze O^esterreich, ze Steyr, ze Kernden vnd ze Krayn, Graf ze Tyrol zc. Embieten vnsern getrewen lieben allen Lantherren, Rittern vnd Knechten, Pflegern, Purggrafen Richtern Mautern vnd andern Amptleuten vnd allen andern vnsern Vndertanen edeln vnd Landleuten die Vrfar auf der Tu^onaw haben, wie die genant sein den diser brief wirt geczaiget, vnser gnad vnd alles gu^ot, Wir gebieten ew ernstlich vnd wellen daz ir vnser getrewn . . die Purger gemainlich von Greyn mit irr Schiffung vnd arbaitt auf der Tu^onaw beleiben lasset bey iren Rechten vnd gu^eten gewonhaiten, alz si von alter herchomen sind vnd Si dawider nicht nöttet noch beswa^eret in dhainen weg, wan wir das gar ernstlich maynen. Wer ez aber daruber tet, So wolten wir doch gedenken, wie wir die vnsern dauor beschirmen. Geben ze Wienn an dem Suntag so man singet Reminiscere in der Vasten Anno dominj Millesimo Trecentesimo Septuagesimo Nono. d(ominus) dux p(er) se ip(su)m et M(agister). Cur(ie) de L(ichtenstein).

Source Fulltext: OÖUB 9 (Wien 1906), S. 589