Wir Albrecht von Gots gnaden Herczog ze Osterreich, ze Steyr, ze Kernden vnd ze Krain, Graf ze Tyrol Embieten vnsern getrewen den Mautern ze Rotenmann vnser gnad vnd alles gut. Als ew weilent vnser lieber Herre vnd Vatter Herczog Albrecht, vnd auch vnser lieber bruder Herczog Rudolf seliger geda^echtnusse mit iren briefen gebotten habend, Also gebieten wir ew vnd wellen ernstlich, Daz Jr noch ewer Anwalt vnser getrewn die Chaufleut von Ens nicht irret an der Maut zu Tryeben, vnd si beleiben lazzet bey der gewonhait vnd dem Rechten, als si herkomen sind. Tett ir icht anders das wa^er genczlich wider vns. Geben zu Wienn am Erichtag nach dem Svntag als man singet Oculi in der Vasten Anno domini MCCCLXXnono. dominus dux per Joannem de T(irnauia).

Source Fulltext: OÖUB 9 (Wien 1906), S. 592