Wir Albrecht von gotes genaden Bischof ze Pazzaw bechennen vnd tun kunt, daz wir Margreten der Lo^ehinn Vlreichs des Scherdinger säligen weilent pu^erger ze Pazzaw tochter vnd derselben Margreten der Lo^ehinn eriben verlihen haben vnd ver¬leihen in auch, den zehent ze Raw^etperig, der von vns vnd von vnserm goczhaus ze Pazzaw lehen ist, denselben zehent mit aller seiner zugehorung furbaz ze haben vnd allen irn fru^emen domit ze schaffen als lehens recht. — Mit vrchunde des briefs besigelten mit vnserm angehangem insigel. Geben ze Pazzaw an sand Agathe tag, Nach kristi gepu^erde drew czehen hundert iar vnd in dem Newn vnd Sibenczigisten iare.

Source Fulltext: OÖUB 9 (Wien 1906), S. 575