Jch Heinreich, ich Vlreich, ich Fridreich, Gebru^eder, die Kamerawer ze dem Haitstain, Veriehen für vns, für vnser Hawsfrawn, vnd für vnsers lieben Bru^eder, Hern Petern des Kamerawer seligen chind, der pfleger, von irr iu^egend wegen, wir zu^e diser zeit sein, vnd die wir auch mit ir leib vnd gu^et, ieczand inne haben vnd fu^er all vnser aller (!) eriben, vnd tu^en ku^ent offenleich mit dem brief, allen den die in sehent, oder ho^erent lesen, daz zwischen dem Hochwirdigen fu^ersten vnserm lieben Herren Hern Albrechten Bischofen ze Pazzaw, vnd seinem Goczhaus doselbs, eins teils, vnd vns an dem andern teil vmb all zu^espru^eche, die wir hincz im, vnd hincz seinem goczhaus, von wegen des Gnaw^etinger, der vns geprenntt het, vnd der ze Obernperg ledig lazzen warde, vnd dar zu^e vmb all ander ansprache die wir auch hincz im vnd hincz dem selben seinem Goczhaus vorher, vncz auf den heutigen tag, — gehabt haben, — gancze vnd vo^ellige berichtu^eng vnd su^enung beschehen ist, an alles geuerde. Vnd dar umbe sagen wir den egenanten vnsern Herren Bischof Albrechten, sein Goczhaus all sein nachko^emen vnd sein Capitel ze Pazzaw, der vorgenanten zu^espru^ech vnd ansprach aller gar vnd genczleich ledig, vnd los, vngeuerleich, — mit vrkunde des briefs besigelten, mit vnserr obgenanten, Heinreichs, Vlreichs vnd Fridreichs, gebrüder der Kamerawer angehangen insigeln, dar u^ender sich vnser Hausfrawn, vnd all vnser eriben, vnd dar zu^e des egenanten vnsers lieben bru^eder Hern Petern des Kamerawer sa^eligen Chind, die zu^e diser zeit aigner insigel nicht enhabent. vnd all ir eriben mit sampt vns vnuerschaidenleich verpindent mit iren trewn an alles geuerd. alles daz genczleich stet ze haben vnd ze volfu^eren, daz an dem gegenwu^ertigen brief geschriben ist. Geben ze Pazzaw an Eritag, in den Oster veyertagen. Nach Kristi gepu^erde drew czehen hundert iar, vnd in dem Newn vnd Sibenczigisten iare.

Source Fulltext: OÖUB 9 (Wien 1906), S. 605-606