Wir Leupolt von Gottes gnaden, Herczog ze Österreich, ze Steyr, ze Ka^ernden vnd ze Krain, Graf ze Tyrol zc. Bekennen ünd tu^on kunt mit disem brief, wie das in den briefen vnd Hantuesten, die vnser lieber bru^oder, Herczog Albrecht von O^esterreich, vnd wir, über die tailung vnserer fu^orstentum, Land vnd Herscha^eften, gegen einander gegeben haben, mit namen nicht begriffen vnd genennet sey, vnser vest vnd Herschaft ze Newnburg auf dem Jne, mit sampt den vesten, dem Wernstain vnd Newnuels, vnd allen andern zu^ogehörungen, als wir bede die vncz her bracht haben, So leutern wir doch mit disem brief, wizzentlich daz dieselben Vest vnd Herschefte Newnburg auf dem Jne mit sampt den egenanten Vesten vnd allen andern zugehörungen des egenanten, vnsers lieben bru^oders, Herczog Albrechts vnd seiner erben ist, vnd si angehöret zu^o irem tail des Landes ze Österreich vnd ob der Ens, in allen den rechten, als die andern Land vnd Herscha^efte die demselben vnserm bru^oder auz beschaiden sind, nach der obgenant vnser tailbrief sag. Mit vrkund dicz briefs versigelt mit vnserm grozzen fu^erstleichen anhangendem Jnsigel, Geben in dem kloster zu dem Neunperg an Mentag vor sand Michelstag, Nach krists gebu^ert, dreutzehen hundert iar, darnach in dem New/an vnd Sibenczigistem Jare.

Source Fulltext: OÖUB 9 (Wien 1906), S. 706-707