Wi^er Albrecht vnd Leupolt gebrüder von gots gnaden, Herczogen ze O^esterreich, ze Steyr, ze Kernden vnd ze Krain, Grafen ze Tyrol zc. bechennen vnd tu^on kunt; als in den tailbriefen, die wir yeczund gegen einander geben haben, die gemerk ¹⁾ zwischen dem lande ze Steyr, vnd zwischen der vest vnd Stat ze Steyr verschriben sind, vnd vns vnd vnsern Ra^eten ze beder seit darumb nicht wol kunt was, haben wir verhaizzen²⁾ vnd gelobt, das vnser ytweder³⁾ erber beschawer, darauf zwischen hinn⁴⁾, vnd dem nechsten Sand Merteinstag senden sol, vnd eruindent die, das die egenanten gemerch nicht rechtlich, in den vorgenanten tailbriefen begriffen, vnd vermerchet sind, So sullen wir besunder bri^ef darumb geben, darinn die egenanten gemerch steen, als Si ze Recht steen süllen, an alles geüer, vnd su^ellen die vorgenanten tailbrief dennoch beleiben, alz Si yeczund sind, Mit vrchund dicz briefs, Geben in dem Kloster ze dem Newnperg Nach krists⁵⁾ gepu^ord dreuzehen hundert Jar, darnach ⁶⁾ in dem Newn vnd Sibenzigistem Jare an Mentag vor Sand Michels tag.

Source Fulltext: OÖUB 9 (Wien 1906), S. 710