Ich Dyether. der Pojpenperger. Mein Haw^esfraw^e vnd alle vnser Eriben. vergehen — daz wir — ze chauffen geben haben vnser Hueb ze Gu^erlay. mit der Cho^ezzo^ed. daz meiner Hawsfrawn fraw^en Annen marigengab gebesen ist. vreys. vnd ledigez. mit allem zü geho^ern, — mit allen ern. rechten. vnd nuczen. — Vnser fraw^en ze fu^erstenzell. vnd den Erwi^erdigen Herren. dem, abbt vnd dem Conuent. dez. Gotzhaw^ezz. da selbz. vmb czway vnd Sechczk Pfhunt gueter Pazzawer pfhenning, der wir vön in gänczlichen vnd füderlich gericht vnd gebert sein. — fürbaz. ebichlich ledigz. vnd vreyes ze haben. vnd allen iern frumen damit ze schaffen. — wir sollen auch. dez. vorgenanten Gütz vnd Chau^ofes. Jer recht geber, scherm vnd fürstand sein, wo in dez not geschiht, alz vreys gutez. vnd aygenz recht ist. vnd dez Landez recht ze Beyrn/e. — daruber gib ich egenanter Diether der Poppenperger. Mein Hawsfraw^e vnd alle vnser Eriben. in. dem voruerschriben Goczhawz vnd Herrn den Brif versigelt mit meinem aygen anhangundem Jnsigel. vnd zu pezzer gedachtnuzz vnder der Erbern Lawt. Hainreichs dez Chersperger di zeit Pfhleger ze Newnburch. vnd. vnder vnsers lieben Swager ekkolfz dez Grawzzingzrawter. aygen anhangunden Jnsigeln wesigelten, di si durich vnser vleizzig pet willen an den Brif gelegt habnt, in vnd allen iern eriben an schaden. dar vnder wir vns mit vnsern trew^en an aydes stat verpinden allez daz trewlich stat ze habn, daz obn an dem Brif geschriben stet. Der gebn/e Jst an dem Heyligen Prehen tag. do man zalt von christi gepurde drewczehen Hvndert Jar. darnach. in dem Nawn vnd Sibenczkistem Jar.

Source Fulltext: OÖUB 9 (Wien 1906), S. 555-556